1.    Кога прв пат решивте дека наместо да стоите на страна, ќе се посветите на намалување на отпадот и едукација на луѓето?

‍Уште на првата обука за нуркање научив дека сум само гостин во водата и дека треба го почитувам, но и посветено да го чувам сѐ она што се живее таму. Почнувајќи од природата, преку живите организми, па сѐ до културното и археолошко наследство. Тогаш одлучив дека ќе сторам сѐ што можам за да направам разлика.

‍

‍

2.    Ја паметите ли вашата прва акција, без разлика колку голема или мала била?

Да. Првата еколошка акција која ја објавив на социјалните мрежи ја направив на изворите кај Св.Наум, каде забележав огромно количество отпад во една една така убава и чиста средина. Од таму извадив куп пластични шишиња, амбалажа, пластични канти и сл.

‍

‍

3.    Отприлика, колку акции сте направиле до сега?

Искрено не ги бројам. Тоа стана мое секојдневие. Секоја прилика кога ќе забележам ѓубре на несоодветно место, во истиот момент го собирам и фрлам во канта, додека поголемите акции ги планирам однапред.

‍

‍

4.    Иако не постои отпад што припаѓа во природата, во вашата богата кариера сигурно сте наишле на чуден предмет кому не му е местото таму каде што е оставен. Кое е најнеобичното нешто што сте го нашле исфрлено во езерото?

Сум наоѓал разноразни предмети, и под вода, и на крајбрежјето. Од обувки, наочари, играчки, кои најверојатно се ненамерно паднати во вода, до апарати за домаќинство,автомобилски гуми, градежен шут, кои очигледно се фрлени со намера. Сепак, како најнеобично нешто што би издвоил е кадата.

‍

‍

5.    Која е крајната цел што сакате да ја постигнете со вашето дејствување?

Да им го претставам на луѓето она што не можат или пак одбиваат да го видат, а постои. Да ги поттикнам и да ги инспирирам да се самоорганизираат и да делуваат, за сите заедно да живееме во почиста и поздрава животна средина.

‍

‍

6.    Како треба да се реагира доколку видиме некој што неодговорно расфрла отпад таму каде што не му е местото?

Нормално и смирено, да му дадеме опомена дека природата не е контејнер за ѓубре и да му укажеме дека постојат соодветни места за одложување на различни видови отпад.

‍

‍

7.    Колку е тешко да се промени менталитетот и навиките на Македонците?

Тешко е, но со вредна работа и искрена посветеност може да се влијае врз подигање на еколошката свеста на повисоко ниво преку едукација и презентација на позитивни примери од светот.

‍

‍

8.    Каков е ентузијазмот кај луѓето за вклучување во чистачките акции?

Добра вест е тоа што ентузијазмот е сѐ поголем, особено кај помладите. Имаме многу еколошки здруженија и волонтери кои даваат сѐ од себе и се трудат да помогнат што е можно повеќе.

‍

‍

9.    Како можат да се вклучат во вашите иницијативи и да станат дел од вашата организација?

За секојдневни мини акции треба секој сам да делува, додека за поголеми еко акции секој може да се приклучи во нашиот тим, со предуслов да има искуство со нуркање.

‍

‍

10. Во контакт сте и сте соработувале со многу европски и светски организации и клубови за заштита на природата, па има ли некои практики и примери што веќе се употребуваат во светот, а може да се спроведат и кај нас?

Има многу практики и идеи кои може да ги применуваме и употребуваме кај нас. Само еден пример е кауцијата за пластични шишиња. Според мене, тоа може многу да помогне во намалувањето на пластичниот отпад. Друго решение, за кое вреди да се размисли, иако е тешко за имплементирање е целосното исфрлање на пластичната амбалажа од употреба и нејзина замена со повратна стаклена амбалажа.

‍

‍

11. Кои се факторите што најмногу влијаат за неодговорното одлагање на отпадот?

Слабата економија, недоволната едукација и префрлањето на надлежностите, во комбинација со минималната комуникација помеѓу институциите кои треба да го решаваат и се најмногу засегнати од овој проблем.

‍

‍

12. Верувате ли дека со вашите акции ќе придонесете за зголемување на свеста кај луѓето и институциите?

Не само што верувам, туку и секојдневно го гледам тоа.

‍

‍

13. Како да се мотивираат луѓето за да се вклучат во што поголем број во акциите за чистење?

Со организирање на интерактивни настани, како и преку презентација на вистинската состојба и правата слика за загаденоста на природата.

‍

‍

14. Според вас, кои се чекорите што институциите треба да ги преземат за да направат осетлива промена, а кои пак граѓаните?

Спроведување на законите кои ги имаме, вклучување на организациите и граѓаните во сите процеси, навремено известување за активностите кои се преземаат. Граѓаните е доволно само да бидат совесни и да го одлагаат отпадот на местата што се предвидени затоа. Но пак сѐ се сведува на тоа дека државата треба да обезбеди услови.

‍

‍

15. Дали некогаш губите надеж за промена?

Понекогаш доаѓа до разочарување, но секогаш наоѓам мотивација и инспирација да продолжам понатаму.

‍

‍

16. Што мислите за иницијативата на СКОПСКО, #НашаГордостНашаОдговорност?

Одлична иницијатива, огромна промена. Кампања која допира до сите граѓани и служи за пример на останатите приватни компании.

‍

‍

17. Која е вашата порака до граѓаните за крај?

Чувајте ги природните и културни богатства, затоа што од нашите постапки денес зависи во каква животна средина ќе живеат идните генерации.

Вклучи се во иницијативата за чисто Охридско Езеро и стани дел од нашите следни чистачки акции на овој линк - https://www.skopsko.mk/form или дознај како можеш да направиш промена тука - https://www.skopsko.mk/promena

„Што ќе оставиме зад себе?“ е главното прашање и порака која СКОПСКО ја упатува во новиот ТВ спот за долгорочната општествено одговорна платформа - НАША ГОРДОСТ. НАША ОДГОВОРНОСT, која првично беше претставена во декември минатата година.
Платформата е создадена со една единствена цел - преку одговорно одложување на отпадот да ги зачуваме прекрасните природни богатства со кои изобилува нашата земја, да оддадеме признание на сите групи и поединци кои преку личен пример покажуваат како треба да се грижиме за нив и да поттикнеме акција за истите да блеснат во сиот свој сјај. Првиот чекор за оваа година е кампањата „Заедно за чисто Охридско езеро“ која што започнува со иницијатива за собирање на средства при што од секое продадено стаклено шише од 0.5л Скопско и Скопско Smooth се издвојува по 1 денар за активности посветени на чистење на нашето најпрепознатливо придодно обележје. Дел од планираните активности, за чија цел ќе се искористат овие средства се поставување на пловни препреки на едни од најголемите загадувачи на Охридското езеро – реката Сатеска и реката Даљан, акции за чистење на крајбрежјето и дното на езерото, како и различни активности кои се фокусирани на подигнување на свесноста за проблемот и едуцирање на општата јавност за решенијата.
„Идејата на оваа кампања е на еден широк и инклузивен начин да ги вклучиме сите љубители на Скопско – со купување на омиленото пиво директно да ја поддржат заложбата и да се вклучат во остварување на идејата за долгорочно одржување на чисто Охридското Езеро. Ова е почеток на кампањата, но во годините кои следат фокусот ќе биде и на останатите природни и културни обележја. „Крајната цел е преку заедничка акција да допринесеме до природни убавини ослободени од отпад и едуцирана јавност која знае како да ги заштити“, изјави Марта Завкова, Сениор Бренд Менаџер на Скопско.
Реализацијата на овој проект е во соработка со клучните партнери Пакомак, Министерството за животна средина и просторно планирање, општините Охрид, Струга и Дебарца, како и волонтерите.
„Полека но сигурно идејата за чиста и зелена иднина позитивно се одразува кај сите, па иако нè чека уште многу работа, секој чекор напред е важен! Во овој момент едукацијата за циркуларна економија е особено важна, а токму преку собирање, селектирање и рециклирање на отпадот може да се придонесе кон почиста средина,“ изјави Филип Ивановски, извршен директор на Пакомак.
За целите на платформата, култните стаклени шишиња на Скопско и Скопско Smooth добија нов, тематски дизајн и веќе се пуштени во продажба.

Нова долгорочна платформа заопштествена одговорност „Наша гордост. Наша одговорност.”, чија главна цел езаштита на животната средина со фокус на чистењето од отпад на националните обележја и заштита од загадување, промовираше СКОПСКО, во партнерство со Министерството за животна средина и просторно планирање и Пакомак.

Министерот за животна средина и просторно планирање, Насер Нуредини, на прес-конференцијата во Пивара Скопје посочи дека една од клучните мисии во заштитата на животната средина е воспоставување на регионалниот систем за управување со отпад, со што еднаш засекогаш ќе се реши проблемот со расфрланиот смет низ државата и безбројните диви депонии што даваат грда слика за нашите природни и културни богатства.

– Од таа причина ние како Министерство сме отворени за соработка и за поддршка на сите оние што сакаат да се вклучат во тој процес, било со конкретни активности, било со акции за подигнување и градење на свеста дека отпадот има свое место, дека секоj отпад не е ѓубре и најголемиот дел има употребна вредност, а дека со градење на добри навики за постапување со отпадот придонесуваме за чиста животна средина, за зајакнување на економијата и најпосле и за заштита на сопственото здравје. - изјави Нуредини.

Генералниот директор на Пивара Скопје, Горан Сладиќ, истакна дека проектот целосно ги поддржува заложбите на Пивара Скопје за одржливост согласно платформата „Свет без отпад до 2030 година“, како и намалување на нето јаглеродните емисии на компанијата до 2040 година.

– Пивара Скопје е компанија со стогодишна традиција, но целосно посветена на иднината и на одржливиот развој. Преку силата на нашиот најпознат македонски бренд СКОПСКО, ја започнуваме долгорочната платформа, „Наша гордост. Наша одговорност.”, која се фокусира на животната средина и повисоката цел која СКОПСКО како бренд ја има – да ја поддржи заедницата, да ги обедини и инспирира луѓето да делуваат за да го направиме светот подобар, сите заедно. Заедно ја делиме одговорноста за да го исчистиме и да го заштитиме од загадување она што е наша гордост – природните и културни обележја на нашата земја.- потенцираше Сладиќ.

„Наша гордост. Наша одговорност”, опфаќа повеке активности за чистење и заштита на Охридското Езеро, со целосна поддршка на Министерството за животна средина и просторно планирање, Пакомак, општините Охрид, Струга и Дебрца, нуркачките клубови Амфора и Акватек, волонтерите од Пивара Скопје и Мен анд Маунтаин.

Во акцијата за најава на платформата беа исчистени над 100.000 метри квадратни површина од отпад од дното и крајбрежјето на Охридското Езеро.

За наредната година планирани се уште неколку акции за чистење, како и активности за пошироко вклучување на заедницата, за јакнење на свесноста и заштита на националната гордост Охридското Езеро. Во годините кои следат СКОПСКО ќе опфати и други национални обележја во нашата земја.